Ողջույն, ես Վարդուհին եմ՝ WIP – Work In Progress ընկերության հիմնադիր տնօրենը։

Գործի բնույթից ելնելով շատ HR մասնագետների հետ եմ շփվել։ Վարդուհին առանձնանում է հարուստ փորձառությամբ ամենատարբեր ոլորտներում՝ 10 հոգանոց թիմից մինչև 1000 հոգանոց թիմ, արտադրությունից մինչև ՏՏ ոլորտ։

Վարդուհին այն յուրահատուկ մասնագետներից է, ում մոտ հավասարապես և բարձր մակարդակով արտահայտված են մասնագիտական և անձնային որակները։ Երբեմն թվում է, թե երկուսը միասին չի լինում, բայց Վարդուհու հետ շփվելիս հաճելիորեն զարմանում ես, որ փաստորեն լինում է։ Որպես HR մասնագետ նա շատ արժեքավոր փորձ ու գիտելիքներ ունի, որպես հոգեբան հրաշալի մարդասիրություն և ինքնաճանաչման կարողություն, իսկ որպես բարոյական անձ արժեքային կայուն հատկանիշներ։

Համալսարանում մարդկային ռեսուրսների կառավարում ուսումնասիրելիս և երկարաժամկետ աշխատանքային փորձի ընթացքում ինձ մոտ կայուն ձևավորված կարծիք կար, որ մեզ մոտ անհնար է գտնել մասնագետներ, որոնք իսկապես խորքային հասկանում և տիրապետում են մարդկային ռեսուրսների կառավարում գիտությունը և այն կիրառում են պրակտիկ աշխատանքում, քանի դեռ չէի հանդիպել և բախտ վիճակվել աշխատել այնպիսի մասնագետի հետ ինչպես Վարդուհի Հարությունյանն է։ Իսկապես գիտակ, զարգացմանը և նորարար մոտեցումների համար բաց, մշտապես նոր գիտելիքներով համալրելով եզակի պրոֆեսիոնալ։ Մի հատկանիշ էլ կցանկանայի շեշտադրել, իր կատարած աշխատանքին նայում է ոչ միայն որպես պրոֆեսիոնալ, այլ նաև շատ սրտացավ վերաբերմունք ունի, թե կազմակերպության հաջողությունների, թե լուծման կարիք ունեցող խնդիրների նկատմամբ, որը պարզապես անհնար է դարձնում հաջողության չհասնելու հավանականությունն, այնտեղ, որտեղ գործին միանում է Վարդուհին։